Life living in Győr (Hungary) Voloum. II

ຊີວິດຢູ່ນີ້ກ່າເລື້ອຍໆ ແບບລຽບງ່າຍ ຕື່ນນອນ > ໄປຮຽນ > ກັບຫໍ > ເຮັດວຽກບ້ານ > ກິນເຂົ້າ > ນອນ ວົນລູບໄປ ຈົບ! ເຮີ້ຍຍຍຍຍ! ຖ້າເປັນແນວນັ້ນກໍບໍ່ແມ່ນກະແຕແລ້ວວວວວວວວວ😎 ຢູ່ເຢີຄືໆເປັນເມືອງນ້ອຍໆໜ້າເບື່ອ ບໍ່ມີຫຍັງໜ້າສົນໃຈ ຢາກບອກວ່າເຈົ້າຄິດຜິດ! Let me prove you wrong ແຕ່ກ່ອນອື່ນຢາກໃຫ້ຜູ້ອ່ານເປີດຈິດເປີດໃຈ ກ້າທີ່ຈະອອກຈາກ comfort zone ຂອງໂຕເອງແລ້ວລອງສິ່ງໃໝ່ໆ 👏🏻 ເລີ່ມກັນເລີຍຍຍຍ….

ປ.ລ ຈະໃສ່ຮູບຫຼາຍໆແດ່ເນີ ເນັ້ນເປັນ Visual info ເພື່ອທຸກຄົນຈະໄດ້ຄິດພາບຕາມອອກໄດ້☺️

ເລີ່ມທີ່ກິດຈະກຳທຳອິດໄດ້ແກ່….

Partie! 🥳

ບອກໄວ້ເລີຍການໄປປາຕີ້ເປັນກິດຈະກຳຫຼັກທີ່ເຮັດໃຫ້ເຮົາໄດ້ໝູ່ໃໝ່ຫຼາຍຄົນ (ນອກເໜືອຈາກໝູ່ໃນຫ້ອງ ໝູ່ໃນພາກວິຊາຂອງໂຕເອງ) ຖ້າຄິດວ່າໂຕເອງບໍ່ດື່ມແອລກໍຮໍ ປາຕີ້ບໍ່ເໝາະກັບຂ້ອຍແນ່ນອນ, ເຈົ້າຄິດຜິດແລ້ວ! ເຫັນໝູ່ຫຼາຍຄົນທີ່ຂະເຈົ້າບໍ່ດື່ມ ບໍ່ສູບ ແຕ່! ມັນກໍໄປປາຕີ້ທຸກຄັ້ງເຂົ້າຮ່ວມທຸກງານບໍ່ເຄີຍຂາດ (ບາດໄປຮຽນມັນຄືບໍ່ເປັນແນວນີ້ແດ່ຫວາ 555) ເຄີຍໄປນັ່ງຈັບເຂົ່າລົມນຳວ່າ “ໂຕເຫຼົ້າບໍ່ກິນ ຢາບໍ່ສູບ ໂຕກໍມ່ວນຢູ່ຫວາ?” ໝູ່ກໍຕອບກັບມາແບບຫຼໍ່ໆວ່າ “ມັນຂຶ້ນກັບວ່າໂຕໃຫ້ນິຍາມການໄປປາຕີ້ຂອງໂຕວ່າແນວໃດ ຄືເຮົາມ່ວນຍ້ອນໄດ້ມານັ່ງຫຼິ້ນນັ່ງລົມກັບໝູ່ທີ່ມາແຕ່ຫຼາຍໆບ່ອນ ແຕ່ສຸດທ້າຍມາຈົບຢູ່ບ່ອນດຽວກັນ” (socialize is the key) ວ່າຊ້ານນນນນ 🤔

ເຊິ່ງປາຕີ້ຫຼັກໆກໍມີ ESN Party ຂະເຈົ້າກໍຈະຈັດທຸກໆງານເທດສະການຕ່າງໆເຊັ່ນວ່າ: Welcome party, Halloween party, International cooking Night, Pub Crawl by ESN Gyor (ມັກຄອນເຊັບງານໂຕນີ້ສຸດ🤩 ຄືນອອກລ່າ Bars ໃນເມືອງ 555) ແລະ ອື່ນໆ (ທີ່ຈິງມີຫຼາຍກວ່ານີ້ແຕ່ຈື່ໄດ້ລາງໆໄດ້ເທົ່ານີ້😅 ໄປ explore ຕໍ່ເອງນະຈິ😉).

Lantern Fest

ESN welcome party & Halloween party

Sports 🏀🏓🏸

ບາງຄົນສາຍກາງຄືນບໍ່ຖະໜັດອິຫຼີ ຂໍຜ່ານເດີ, ບໍ່ເປັນຫຍັງເຮົາມີກິດຈະກຳອື່ນນຳ ມີຫຼາກຫຼາຍຢ່າງໃຫ້ເລືອກເລີ່ມກັນທີ່ສາຍກິລາກ່ອນແລ້ວກັນ.

ໂຮງຮຽນມີຫຼາກຫຼາຍກິລາໃຫ້ເຮົາໄດ້ເລືອກຫຼິ້ນຕາມເວລາວ່າງຂອງເຮົາ ມີຢິມຢູ່ 2 ບ່ອນຄື: ບ່ອນທຳອິດຢູ່ຕຶກ sports hall ອີກອັນຢູ່ຕຶກຂ້າງ Mobilis ເລີຍ ພາຍໃນຕຶກນີ້ນອກຈາກຢິມແລ້ວກໍມີກິລາອື່ນໆໃຫ້ເຮົາໄດ້ເລືອກຫຼິ້ນໄດ້ ບໍ່ວ່າຈະເປັນ 🏸ຕີດອກປີກໄກ່ (Badminton), 🏀 ບາສ (Basketball), 🏐 ຕີບານ (Volleyball), 🏓 ປິງປອງ (Table tenis), 🧗‍♀️Wall climbing…

Note: ແຕ່ລະອັນຈະມີມື້ຫຼິ້ນທີ່ຕ່າງກັນໄປ ແລະ ປ່ຽນໃໝ່ໃນແຕ່ລະເທີມ ໃຫ້ໄປເຊັກເບິ່ງຢູ່ເວັບໄຊ້ຂອງໂຮງຮຽນເດີ.

ນອກນີ້, ກໍມີ class ສອນລອຍນ້ຳພ້ອມ 🏊🏼‍♀️ ເນື່ອງຈາກວ່າມັນເປັນສະລວມໃຊ້ຮ່ວມກັບໂຮງຮຽນອື່ນນຳ ນັກຮຽນ SZE ສາມາດນຳໃຊ້ສະໄດ້ຕອນເຊົ້າ (ຂໍ້ມູນນີ້ບໍ່ແນ່ໃຈປານໃດ ອາດມີການປ່ຽນແປງ ສາມາດສອບຖາມເພີ່ມເຕີມຢູ່ຫ້ອງ Information ຫຼື ເວັບໄຊ້ໂຮງຮຽນ).

Note: ກ່ອນຈະສາມາດນຳໃຊ້ທຸກ facilities ຂອງໂຮງຮຽນເຮົາຕ້ອງໄດ້ສະໝັກເປັນສະມາຊິກກ່ອນ ຄ່າທຳນຽມພຽງແຕ່ 3.000ft/ເທີມ ສະໝັກເທາະຄຸ້ມມມ.

ຖາມ: ອອກແຮງບໍ່ແມ່ນແນວທາງຂໍເປັນສາຍຊັບພອດເຊຍຢູ່ຂ້າງໆສົ່ງກຳລັງໃຈໃຫ້ຢູ່ໄກໆ ມີບໍ່?

ຈັດປາຍຍຍຍຍຍ ຢູ່ Sport Hall ຈະມີງານແຂ່ງກິລາຢູ່ຕະຫຼອດເຊັ່ນ: Basketball, Handball, Volleyball etc. ສາມາດເລືອກໄປຊົມໄປເຊຍກັນໄດ້ຕາມອັດທະຍາໄສ Ahh! ລືມບອກ ມີແຂ່ງ 🚣🏼 Kayak/Canoe ນຳ (ທີມເມືອງ Győr ຢ່າງໂຫດ) ໄປຊົມໄປເຊຍໄດ້ຢູ່ແຄມນ້ຳ.

Gym, Badminton, and Basketball cheering

🚐💨 Study Tour

ນອກຈາກຮຽນໃນຫ້ອງ ທາງໂຮງຮຽນກໍມີ ກິດຈະກຳນອກຫຼັກສູດໃຫ້ເຮົາໄດ້ເຂົ້າຮ່ວມນຳ ຫ້າມພາດເລີຍໂຕນີ້ ເຊິ່ງແຕ່ລະຄະນະກໍຈະມີທຣິບໄປຕ່າງເມືອງ ຫຼື ສະຖານທີ່ຕ່າງໆ ຖ້າເຮົາສົນໃຈຢາກເຂົ້າຮ່ວມກໍສາມາດຂໍໄປນຳໄດ້ເຖິງຈະບໍ່ແມ່ນຄະນະເຮົາເປັນຄົນຈັດກໍຕາມ.

ທຣິບໄປທົວໂຮງງານ Suzuki ຢູ່ Esztergom

Highly recommended ທົວໂຮງງານ Audi

ທຣິບໄປ Vienna (Workshop ກັບທີມ MKT ຂອງ Designer Outlet Pardorf)

ທຣິບໄປບໍ່ນ້ຳຮ້ອນ ຢູ່ Mosonmagyaróvár (ເມືອງນີ້ໜ້າຮັກຫຼາຍຍຍຍຍ)

Note: ນີ້ເປັນພຽງນ້ຳຈິ້ມ ມີຫຼາຍທຣິບເຕີບ ແຕ່ໄປບໍ່ໄດ້ຍ້ອນມັນຕຳກັບໂມງຮຽນ (ທີ່ເຮົາຂາດບໍ່ໄດ້🥲) ກັບ ລົງທະບຽນບໍ່ທັນຄົນເຕັມປະຈ້ອຍ😅.

☀️ Outdoor Activities

ຢາກບອກວ່າ Winter ຈົບປຸບຫຼັງຫໍພັກໂຮງຮຽນແມ່ນໂຄດງາມ ເໝາະແກ່ການເຮັດກິດຈະກຳກາງແຈ້ງຫຼາຍຢ່າງ ບໍ່ວ່າຈະເປັນ…

Picnic, BBQ, and Camping

Note: ຖ້າບໍ່ມີເຕົາ BBQ ກໍບໍ່ເປັນຫຍັງ ມັນຈະມີຈຸດທີ່ເຮົາສາມາດກໍ່ກອງໄຟໄດ້ເລາະເລືອກເອົາຕາມມຸມທີ່ມັກໄດ້ຕາມອັດທະຍາໄສເບີຍ.

Doing homework under the big tree next to the river (ຢູ່ຫໍກໍເຊັງ ຫ້ອງສະໝຸດກໍໜ້າເບື່ອ outdoor study ເລີຍ)

Trekking or cycling

Outdoor Running (ເບື່ອ Gym) ວິວຢ່າງງາມອາກາດຢ່າງ Fresh (ແນະນຳຢ່າໄປຄ່ຳຫຼາຍເດີ ຍຸງຊິຫາມ 🦟)

ໃຜຢາກຜິວແທນ Sunbathing🧴🕶 ເລີຍ ຈະໄປຄົນດຽວ ຫຼື ຊວນໝູ່ມານຳກໍກິບເກ໋.. ຟັງເພງ ຫຼື ອ່ານປຶ້ມ ຫຼື ລົມກັບໝູ່ຊິວໆ

Note: ຖ້າມີຄົນຊວນໄປອາບແດດ ຫຼື ໄປຫຼິ້ນຢູ່ Golden Beach ຢ່າຟ້າວງົງ ‘🤔 ເອະ! ມັນຢູ່ໃສ ຫວາ..?’ ຕອບ: ເດີ່ນຫຍ້າຂ້າງໆ Lapos ນັ້ນເອງ. ເຄີຍຖາມໝູ່ຄົນ Local ວ່າຄືເອີ້ນຊື່ນີ້ມັນບອກວ່າ ‘ເຈົ້າສັງເກດເບິ່ງແມ..ສ່ວນໃຫຍ່ຈະມີແຕ່ໄວທອງ (Golden) ທີ່ໄປອາບແດດຢູ່ນັ້ນ ເອີ່ມມມ ຈັກແມ່ນທີ່ມາແທ້ບໍ່ບຸເດີ ໝູ່ມັນເວົ້າແທ້ ຫຼື ມັນ joke ກ່າບໍ່ຮູ້ເລີຍ ແຕ່ກ່າຄືໆ make sense ຢູ່ເກາະ 🤔😅.

☕️ Cafe hopping

ສາຍຄາເຟ່ຕ້ອງມາ KT ຄັດສັນມາໃຫ້ແລ້ວ 04 ຮ້ານນີ້ Vibes ໂຄດດີ ກາເຟຫອມໆ ຣົດຊາດກົມກ່ອມ ເຄັກຢ່າງເດັດ ໄປຕາມຮອຍໄດ້ບໍ່ຜິດຫວັງແນ່ນອນ…

1. Kávébajusz

ຕຶກສີບົວເດັ່ນແບບແບ້ວໆ

2. JAM Juice & More ຢູ່ຕໍ່ໜ້າ Spar ໃນ City Center ເລີຍ.

ຝາກທັກທາຍ ນ້ອນ Minnie 🐶 ແດ່ເນີ ນ້ອນເປັນເດັກເອັນທີ່ເກັ່ງຫຼາຍ ຢ່າລືມຖືຂະໜົມຕິດໄມ້ຕິດມືໄປຝາກນ້ອນນຳ

3. Dzsem by JAM ບໍ່ຊ່າງຊິບອກ 555 ຕາມ Map ໄປເລີຍເດີງ່າຍກວ່າ ບອກກ່ອນຮ່ອມທີ່ຮ້ານນີ້ຕັ້ງຢູ່ມີຫຼາຍຮ້ານທີ່ເໝາະແກ່ການນັ່ງຊິວ ເລາະເລືອກເອົາຕາມມັກເລີຍນະຈິ.

4. Kuglóf Cukrászda ຢູ່ໃກ້ໆກັບ Town square (Széchenyi tér) ເລີຍ

😋 Eating

ສາຍກິນຕ້ອງມີ ນີ້ແມ່ນ Signature ຂອງເມືອງເຢີເລີຍ ຄັນບໍ່ໄດ້ຊິມຖືວ່າພາດແຮງ ສຳ່ມາບໍ່ຮອດເມືອງເຢີພຸ້ນແຫຼະ 555

1. Lángos

ຕ້ອງໄປລອງເລີຍຮ້ານນີ້ Lángos manufaktúra ແຊບແຖມລາຄາກໍໜ້າຮັກ ແນະນຳສັ່ງຣົດ Galic Cream Cheez ມາແຊຣກິນກັບໝູ່ກ່ອນເດີ ແຜ່ນໜຶ່ງກິນໄດ້ສີ່ຄົນ (ຢ່າລືມບອກເຈົ້າຂອງຮ້ານຕັດເປັນສີ່ສ່ວນໃຫ້ພ້ອມ).

2. Burger: Westy Király BRGR

3. Gelato

ແນະນຳຮ້ານນີ້ເດີ Caffe Gelato Gyor ຈະມີໂຕແຂ້ສີຂຽວມືຊ້າຍຖືກະແລັມຕັ້ງຢູ່ໜ້າຮ້ານ 🐊

Note: ຢ່າລືມຊວນຄົນຂາຍລົມແດ່ເດີ ລົມຖືກໃຈລະລາວຊິແຖມໃຫ້ 5555 ລາວອັດທະຍາໄສດີ ເວລາໄປ ຫຼື ກັບມາແຕ່ບູດາເປສຈະລາກກະເປົ໋າຜ່ານໜ້າຮ້ານລາວປະຈຳ ແລະລາວກໍຈະເອີ້ນທັກທາຍມາແຕ່ໄກຕະຫຼອດ.

Fish soup:

ຕາມທີ່ໄປກິນມາ 02 ຮ້ານນີ້ແມ່ນ the best

1. Matróz Dunaparti Kisvendéglő

ຮ້ານສີສົ້ມໆ

2. Szegedi Halászcsárda Győr

ຈຸດເດັ່ນຮ້ານນີ້ແມ່ນຈະມີໝໍ້ໃຫຍ່ໆຕັ້ງຢູ່ທາງໜ້າ (ຖ້າຍັງບໍ່ເອົາອອກເດີ 555) ມີບໍລິການຄົນຫຼິ້ນໄວໂອລິນໃຫ້ຟັງນຳສຸດຟິນນນ

ທ້າຍສຸດດດດດ ການຖ່າຍຮູບ 📸 ນັ້ນເອງ ອິອິ😆 ມັກສຸດຮອງຈາກ 🍻 ປາຕີ້ເລີຍ 555

ສາຍມັກຖ່າຍຮູບຕ້ອງກົດຖືກໃຈສິ່ງນີ້ລົວໆ ທຸກຊອກທຸກມຸມຂອງເມືອງແມ່ນໜ້າຮັກແຮງ ບໍ່ວ່າຈະ Winter, Summer, Spring, Autum ທຸກລະດູງາມກັນຄົນລະແບບ ວ່າງໆກ່າຊວນໝູ່ໆໄປຖ່າຍຮູບເກັບໄວ້ແດ່ເນີ.

Have fun :)

ສາມາດຍ້ອນໄປອ່ານ Life Living in Győr Vol. I ໄດ້ທີ່ 👉🏻 https://bit.ly/3jKU6Ts

ເຈີກັນ Blog ໜ້າ Sziasztok!!! 😉